قوجامان صحرایه سریلمیش بیر یول قیراقیندا تک اوتورموشام
بیلیرم کیمسه گلمه یه جک
کیمسه اللرینی اوزادیب
الیندن یاپیشمایاجاق
بیلیرم سحر جوشمایاجاق ...
بو قورو اوجاقین دیبینده
بیلیرم گونش پارلامایاجاق
گؤزومون گوزگو گویونده.
آنجاق من یئنه اوتورموشام
نم کیمی نم نه یی گوزله ییرم
بیلمیرم.

+ نوشته شده توسط اسماعیل خرمی در چهارشنبه سی ام مهر 1393 و ساعت 13:32 |
نفت قویولاریندان قان فیشقیریر

موسلمانلار بیربیرینین اتین یئییر

عیسی گولور، موسی باخیر

و محمد آغلاییر بو ملتین حالینا

+ نوشته شده توسط اسماعیل خرمی در چهارشنبه سی ام مهر 1393 و ساعت 13:31 |
او گون:
اورکلریمیز او قدر بیربیرینه یاخینیدی کی-
لال آدام کیمی قاش گوزیله دانیشیردیق
سینه میزین قاپیسینی دویمه دن ایچری دوشوردوک
و اویویوردوق پیچیلتیلار ایچینده....
بو گون:
اورکلریمیز او قدر بیبیریندن اوزاقدیر کی-
توپ کیمی، اتم کیمی آچیلیریق
باغیریریق سانکی کار اوستونه
و قاپیلاری سیندیریب اود سالیریق ایچیمیزه.

+ نوشته شده توسط اسماعیل خرمی در چهارشنبه سی ام مهر 1393 و ساعت 13:29 |
 

سانتیم سانتیم اوره ییمین ایچینده،

کیلومترلرله درد گووه ریر غم یاتاق سالیر

دونیا بویدا بو اوره ییم

سئوینجلرین، آرزولارین و رویالاریمین-

مزارلیقینا چئوریلیر.

+ نوشته شده توسط اسماعیل خرمی در چهارشنبه سی ام مهر 1393 و ساعت 13:28 |
+ نوشته شده توسط اسماعیل خرمی در شنبه بیست و چهارم خرداد 1393 و ساعت 16:26 |
ساری چیچکلر خینالی گوللر و گؤز اوزاندیقجا سارالان بو صحرا
بیزیم یاریمچیق سئوگیمیزین ماهنیسینی اوخویوردولار
باشلارینی بیربیرینه چالیردیلار
آز قالیردیلار کوکلرینی دارتالار
و عصیانا قالخالار....
گیله گیله دوشن بو چیچکلر
انتقام آلیردی اوره ییمیزدن
و انتهار ائدیردی کولکلر قوجاقیندا.
+ نوشته شده توسط اسماعیل خرمی در یکشنبه هفدهم فروردین 1393 و ساعت 12:40 |
  1. 1.""من داها اؤزومه ده اینانا بیلمیرم
    سنه اینانماقیم گولونج دئییلمی؟
    یاتاندا گؤزومو آلدادیب اویاق قالیرام
    سینه م غصه دن یانارکن
    دوداقلاریمی آلدادیب گولورم
    و گولمک ایسته یه نده، آغلاییرام
    توخ کن یئییب
    آج اولاندا یئمیرم
    گؤرنده باخمیرام
    باخاندا گؤومورم""...
    2. بو نه قریبه حیات
    بو نه دوز چؤره ک؟
    من کیمه دوز دئییم
    کیمه دانیشیم
    کیمین الیندن توتوب
    کیمه یاپیشیم؟ . . .

    گئت گئده چیرکله شیر حیات
    هئچ امید یوخ صابونلارادا!
+ نوشته شده توسط اسماعیل خرمی در سه شنبه پنجم فروردین 1393 و ساعت 15:9 |
اؤلولر،
قدیمکیندن ده چوخ خورتلاییردیلار.
کوچه ده احسان پایلیان،
کاسالارین ایچیندن،
کتابلارین قوجاقیندان،
و تلویزیونون صحیفه سیندن ائوله ره توکولوردولر.
دوغروسو اؤلولر یورغون ایدیلار،
و خورتلاماق ایسته میردیلر.
اونلاری خورتلادان واریدی.
اوزوده، 
تمامیله خورتلامیردیلار،
یالنیز بئیینلری خورتلاییردی.
هیتلر، استالین،شومور، یئزید....
هر آشین ایچیندن چیخیردیلار.
من اؤلولری آغ پالتارلی بیله ردیم،
کئفلی اسکندرین فیلیمی کیمی
آنجاق،
قاپ قارا گئیینمیشدیلر.
چوخالدیقجا
قارالیردی هاوا.
و قارانلیق شهرین،
ان ایستی قوجاقیندا مورگوله ییردی.
یئنه ده خورتلاما وار.
کیم بیلیر بو آخشام کیم خورتلایاجاق؟
ایزله یین.............
+ نوشته شده توسط اسماعیل خرمی در یکشنبه سیزدهم بهمن 1392 و ساعت 20:45 |
 نه اینینده بیر دون واریدی

نه اوزونده بیر ماسکا،

                       چیلپاق ایدی، لوت ایدی.

بولاق گؤزو تک دوپ دورو ایدی،

                                   سماسی.

ایچینده گونش دوغارکن،

آی یووا سالاردی په نجه ره سینده.

و بیر محکوم کیمی چاره سیز ایدی.

زاغ زاغ اسن

سنی سئومه یه ته له سن، 

                           مندن کوسن

                                بو ده لی اوره ییم

+ نوشته شده توسط اسماعیل خرمی در چهارشنبه دوم بهمن 1392 و ساعت 0:45 |
۴۵ مین آرزو

۴۵ مین سو سسینین  سئودالیلاری

۴۵ مین اللرینده گونش دوغوران

۴۵ مین دوداقلاریندا صاباحین فریادی بیتن

۴۵  مین آی ایشیقینین تومورجوقو

و ۴۵ مین قولاقلارینی یوخولارا تیکن

یارالی اوره کلر-

سنه بس دئییلمی؟

سن آی  اوزگه لرین بارماقلاریندان

ساپلارلا ساللانان 

سارالمیش سارایلی 

+ نوشته شده توسط اسماعیل خرمی در شنبه دوم دی 1391 و ساعت 0:5 |
سنی گوردوکده

بئینیمی  چیخاریب

عاقلیمی یوللارینا   توپوره ره ک

دورد اللی

اوره ییمیی  قوجاقلادیم

+ نوشته شده توسط اسماعیل خرمی در دوشنبه بیست و هفتم آذر 1391 و ساعت 22:26 |
سنی سئوسمده

اوره ییمین گوجو دیلیمه چاتماییر

+ نوشته شده توسط اسماعیل خرمی در شنبه یازدهم آذر 1391 و ساعت 19:12 |
آه منیم الیمدن  چیخان

آددیملار.

آه واکسن ویرمادیقیم

هیپاتیتلی یوللار.

آه یاناقلارینا

پاییز گونه شی دوشن گونله ریم.

گلین دیز دیزه اوتوروب

سایاق  گوناهلاریمیزی

سایاق آهلاریمیزی

و آنلایاق دونیایا سیغمایان

 عصیانیمیزین معصوملوقونو.

 

+ نوشته شده توسط اسماعیل خرمی در شنبه یازدهم آذر 1391 و ساعت 19:10 |
پاییز یارپاقلاریلا -

بیرگه دوشدون اوجومدان.

گوزلریمه پاییز گورشادی پای دوشردی-

 بیلیرم.

آنجاق یاغمایاجاغام.

سنی بیرداها گوز یاشلاریملا بوغا بیلمه رم.

قوش قاناد چالمایان آندا

سسیز ایچیمه آخاجام.

بوغولان وارسا-

 اوجوندا اولاجام بو گئجه یاریسی.

 

+ نوشته شده توسط اسماعیل خرمی در سه شنبه هجدهم مهر 1391 و ساعت 22:32 |
باخین اوشاقلار-

 بوگون سیزه دیلچیلیکدن

 سسلی و سسیز

سسلری دئییرم:

سسلی سسلیلر:

پنجه ره میزده گؤزه گیرن آخشام تاققیلدیسی

سکوتدا قاپیمیزدا اوتورارکن -

هایخیران یاد کوله گینین شاققیلتیسی

 قورشونلارین سئونجدن آغلایان سسی.

و سسیز سسلیلر:

ایچیمیزده اتم کیمی آچیلان -

نفسلرین سکوتو

بیزلره آلیشقان -

ماوی گونلرین آخشامی.

بیلیب ،

گؤروب و ائشیده ن

 لال دوغرولارین اویقوسو

 

+ نوشته شده توسط اسماعیل خرمی در پنجشنبه چهارم اسفند 1390 و ساعت 1:36 |
اللرینین ضربه سینده ن

اوزومده جوجه رن گونش تومورجوقلارین

کیمسه نی یاندیرماسین دیه

ایکی اللریمله قوجاقلادیم.

و گؤزومده ائکیز ائکیز بالالییان

بولوتلاری --

کیمسه نی ایسلاتماسین دیه

ایچیمه چکیب

 اوره ییمه توخودوم.

+ نوشته شده توسط اسماعیل خرمی در پنجشنبه هشتم دی 1390 و ساعت 21:2 |
سحرین شهلی دوداقینی

سورا سورا

گونه شین قوینونا آتیلیردیق.

جمده گیمیز اود توتوب یانسادا -

تر دوداقلاریمیزین ادعاسی

اؤپوشله ریمیزی 

کول اولماقدان قورویوردو

 

 

+ نوشته شده توسط اسماعیل خرمی در پنجشنبه دوازدهم آبان 1390 و ساعت 15:7 |
قارانلیق داخمادا یاشایان بیر گؤز

 ایشیقا چیخاندا

چیینه دی توپورجه یینی

اوتدو اؤزونو .

بیر ایلغیم ایچینده

آغزین یوماراق

 سیخدی

                  بوغاز

                                ایپینی

+ نوشته شده توسط اسماعیل خرمی در سه شنبه هشتم شهریور 1390 و ساعت 13:55 |
او شعری  یازاندا

قلم--

بارماقلاریمین قانین امیردی

و لاله لر  قوجاقی 

سرینیدی بیرداها یازماقا 

+ نوشته شده توسط اسماعیل خرمی در چهارشنبه دوازدهم مرداد 1390 و ساعت 22:2 |
اؤنون تئللری  گولردی  

 و دوداقلاری لام باخاردی دونیایا.

اللری یویورکن

 آیاقلاری قوجاقیندا یاتاردی .

کیپریکلری بیر بیریله اؤپوشوب

اوزوم گیله سی دوغاردی گؤزلریندن

 آیاقا دورماقا  بیر آناسی واریدی

اوخویاردی آغلایاردی

گؤزلرینه بالاسینین

ساکت دینمز و دانیشماز آیاقلاری قوناق گلنده.

+ نوشته شده توسط اسماعیل خرمی در دوشنبه بیست و هفتم تیر 1390 و ساعت 19:57 |
اونون اوزوندن سوت آخیردی

کوچه لرده ویسل گزن گوزلرین

ماکتینه

و آرخاسینجا گئدن

قارا ساققاللیلار تله سیردیلر

گونه شین باتماقینا .

 

+ نوشته شده توسط اسماعیل خرمی در یکشنبه بیست و دوم خرداد 1390 و ساعت 1:45 |

گوز یاشلارینی

 قانادی سینمیش شعیرلریمین

قاپسیندا باسدیراجام

دردلرینین ساچیندان یاپیشیب

کل باشیما اکدیره  جم

کانسر توتسان ایچیمده داشییاجام

اولوم اولسان بئله

سنی  دوداقلاریملا  قامچیلاییب

قوللارینی بوینوملا اوپوشدوره جم

سن توپراقا

                    منده .

    

+ نوشته شده توسط اسماعیل خرمی در چهارشنبه یازدهم خرداد 1390 و ساعت 2:19 |

بو اوسونلو شهرده بیزه قالان

تک اوره گیمیزیدی 

من اونو  شیفره له ییب

بعضا جیبیمده

 بعضا یوخولاریمدا ساخلاییردیم

بیرگون یوخودا اولارکن جیبیمدن چالیندی

شیفره سنی آچا بیلمه دیلر

و بیر زیبیللیگه آتدیلار

بیر گون اوشاقلار

قاباقلارینا قاتیب توپ اویناتدیلار

بیر گون پیشیگین الیندن

ایتلر آلمیشدی

و بیر گون بیر بساققالی کوک کیشینین آیاغی آلتا قالمیشدی.

آنجاق گوزلری هله گوروردو

آیاق اوسته دورا بیلیردی

و من یوخولاریمدا تئز تئز

الیمی جئبیمه قویار کن

 اونون یولونو گوزله ییردیم

 

 

 

+ نوشته شده توسط اسماعیل خرمی در چهارشنبه یازدهم خرداد 1390 و ساعت 2:9 |
دامارلار  جان ایچینده چیغیران ،

قارا قامچیل قان الیندن بئزمیشدیر.

اوز  توتوب گونشه دوغرو هونکوروردو

و گؤیدن یئره 

 یاغیشلا قان اوپوجوکلری دوشوردو.

+ نوشته شده توسط اسماعیل خرمی در چهارشنبه چهارم خرداد 1390 و ساعت 11:7 |
اوردان

 طرابلسون ــ

یانان دیوارلارینین

پیچیلدیسی گلیر.

بوردان

تهرانین ــ

کار قولاقینین ،

آچیلمایان سحری دیسکینیر.

بو  جیندا میداندا:

اوردان مئییتلرین --

بیری اولو

بیری دیری چیخیر.

 و بوردان

 هئچ بیر دیرینین --

صاباحا اومیدی یوخدور.

صاباح اوز یئرنده یاتیر

و قارانلیق اویاق قالیر.

 

+ نوشته شده توسط اسماعیل خرمی در دوشنبه بیست و سوم اسفند 1389 و ساعت 1:46 |
بیزیم  اوجوموزون ایچیندن

گونش پارتلاییردی

اونلارین

تانکلارینین دیمدیگیندن--

گئجه لرین ایشیقی گلیردی.

بیز

گون اورتا چاقی

آخشامین نهاریندا  قوناقیدیق.

اونلار

یاتمیش آزادلیقین

پئنجه ره سینده یووا سالیردیلار

+ نوشته شده توسط اسماعیل خرمی در دوشنبه بیست و سوم اسفند 1389 و ساعت 1:34 |
اینیمه تورپاقی

گؤزومه گونشی

وآیاقلاریما داغلارین

داشلارینی تاخیب

سنی آختارماقا گلیرم

 

+ نوشته شده توسط اسماعیل خرمی در چهارشنبه چهارم اسفند 1389 و ساعت 13:32 |

 

حیاتین درین قاپیلارینی آچیب:

یاشاماقا گلیردی انسان.

بیلمیردی کی :

گونش ، توپراق ،و سو

انتهار ائده جکلر اونون الیندن .

+ نوشته شده توسط اسماعیل خرمی در پنجشنبه بیست و سوم دی 1389 و ساعت 12:34 |

 

من ائله آغلاییردیم کی:

گؤز یاشلاریم—

یاغان یاغیشین پالتارینی ایسلادیردی

و سن ائله سویوق ایدین کی:

نفسین –

یاغیشی، قارا دؤنده ریردی.

+ نوشته شده توسط اسماعیل خرمی در پنجشنبه بیست و سوم دی 1389 و ساعت 12:32 |

آیاقدان باشا سیلاحلانمیش

اومودسوزلوق کوله یی-

آرزو تئلله ریمی دیرناقیندا دیدیردی.

 

گؤزومون ایچینده –

آچیلمایان سوبای سحریمین ایزلری

دینمه دن ارککجه سینه آغلاییردی.

 

و من –

بیر اؤگئی اوشاق کیمی –

اوزاقدان اؤزومه باخیردیم.

 

تاماهیم یاشاماق اولسادا-

حسرتله گونش یئرینه

بیر گؤز ایلغیمیندا

یاری پاسدان یاری پیدن –

بیر شامدا یاندیرا بیلمیردیم.

+ نوشته شده توسط اسماعیل خرمی در پنجشنبه بیست و یکم خرداد 1388 و ساعت 13:15 |