تبليغاتX
اسماعیل خرمی دن شعیر و مقاله لر

 

پنجه ره م

 

 

سپدیم گؤزومو

 گونه شین جمده یینه.

آیین اولدوزلو

 ایشیغینی یالادیم.

چکدیم ایچیمه

 شهرین چیراغلارینی

بیر سیگارا ایچینده.

یئنه ده پارلامادی ،

یئتیم پنجه ره م.

دونیانین قاهقاهاسینی

اریدیب ،

توکدوم گؤزومون هیچغیریغینا

کسمه دی آرازینی

کسمه دی کورونو.

گوره سن هاچانا ده کـ

لئشی چیخمیش پنجه ره مین ،

گؤزویاشلی ـ

و گؤزلریم یئتیم قالاجاق.

+ نوشته شده توسط اسماعیل خرمی در پنجشنبه بیست و سوم خرداد 1387 و ساعت 15:13 |

 

لوطفن هئچ کس اوخوماسین

 

 

 

 داریخما اولوم قارداش

بیر گون سنین ده ـ

ماهنیلارینی اوخویاجام.

بیر گون سنین قورخولو آبرینی آلیب،

سئودالاریمین سوسوز

بوغازینا تو که جم .

قورخوتما منی ،

عشقیمین یانان اوره یی

اود سالاجاق ـ

سنین سسیز یوخولارینا.

و منیم اولوموم –

قورخوداجاق سنین قبریستان خولیالارینی .

+ نوشته شده توسط اسماعیل خرمی در سه شنبه هفتم خرداد 1387 و ساعت 2:7 |