بوردا

         زامانین 24 ساعاتی یوخدور.

ساعات بیردن اون ایکیه دک اولور.

و بو اون ایکی ساعات ،

باشینی بوزقارلارا قویوب –

اوستونه سیزاغلاری –

و ایچینه قارانلیغین درینلیینی  چکیر

یاتیر گوجلولرین قوجاغیندا.

اویانیر بانکالارین حسابیندا.

خورولتوسو گوله لرین قاهقاهاسی.

قازاندیغی ،

 بیزم  آرزولارین—

ماویلیگی.

ایتیردییی،

دار گونون یوواسیدیر.

 

 

و بیز—

بو اون ایکی ساعاتین  ،

(بیر مای)ی دا اولمایان

ماعاشسیز ایشچیسی.